LAOAG CITY – Agtultuloy iti imbestigasyon dagiti kameng ti pulisya mainaig ti pannakapukaw dagiti walo a para pallot a manok idiay Barangay Guerrero, Dingras, Ilocos Norte.
Nabigbig ti agtagikua kadagiti manok a da Gine Soriano, agtawen iti 70, negosyante ken residente iti nasao a Barangay.
Iti imbestigasyon, bayat ti papan panagpakan dagiti caretaker ni Gina Soriano a da Kevin Valencia ken ni Robert Vincent Soriano kadagiti nasao a manok ket nasdaaw da gapu ta awanen dagitoy ken nakalukat ti nakaipupukan da.
Naamoan nga umab-abot iti pito ribo a pisos ti balor dagiti napukaw a manok.
