LAOAG CITY – Inlawlawag ni Atty. Gerald Gallardo ti Provincial Director, ti Department of the Interior and Local Government ditoy probinsya, a gagem ti Bagong Pilipinas kick-off rally a maisayangkat ita nga aldaw ti 8 socio-economic agenda.
Segun ken ni Gallardo ti Bagong Pilipinas ket maysa a programa ken administrasyon ni Presidente Ferdinand Marcos Jr. no sadinno a naan-anay a naammuan ti pakasaritaan na babaen ti Memorandum Circular No. 24 a napetsaan ti Hulio 03, 2023.
Ti ikamkampanya na daytoy ket ti naun-uneg ken fundamental transformation iti amin a sektor, pakairamanan ti tarigagay ni Presidente Bong Bong Marcos Jr. a maipatungpal amin a insawangna idi kampaniya.
Impakaammo ni Gallardo a ti 8 socio-economic agenda ni Marcos ket isu ti umuna atarget ti ti kick-off rally, partikular ti seguridad ti taraon, transportasyon, affordable and clean energy, health care, education, social services, sound fiscal management bureaucratic efficiency.
Immpakaammo na pay a naimbitaran ni Gov. Matthew Marcos Manotoc tapno makipagpaset ti nasao nga aktibidad ngem saan pay a masinunuo no agatendar ti Gobernador.
Innayonna a ibagi ni Mayor Joeffrey Saguid iti ili ti Dingras ti Gobernador inkaso a saan a makaatendar.
Ti kick-off rally ket mabuya pay iti live stream ti Department of the Interior and Local Government.
Kabayatan na impakaammo met ni Gallardo a ti kick-off ceremony ket awan pakainaigan na iti ti charter change wenno ti pannaka-amendar ken pannakarepaso ti 1987 Philippine Constitution ken saan a nakailanad daytoy iti 8 socio-economic agenda.
Kamaudinna, ginutigot ni Gallardo ti publiko a makipagpaset ken babaen ti panakikimmayet ket maaramid dagiti tarigagay ti Marcos administration sipod ta ti Marcos administration ket gagem na a mapasayaat ti pinagbiag.
