LAOAG CITY – Uray laeng a makasangit ni Bombo International News Correspondent Maria Salve idiay Taiwan a mangiyes-estoria ti nagbalin a kapadasanna bayat ti idadayyeg ti magnitude 7.5 a gingginged iti nasao a pagilian.
Inbatadna nga arig agsalsala ti maikawalo a kadsaaran a pagpapaayanna kas maysa nga Overseas Filipino Worker idi mariknana ti kinapigsa ti pannakagunggong ti nasao a pasdek.
Gapu iti daytoy, kunana nga adda dagiti sumagmamano a ramit iti uneg ti kuartona a naregreg ken naiwara.
Inlawlawagna a saanna pay a masinunuo no kasano ti kinapigsa ti epekto iti ginggined gapu ta nagtalinaedda pay laeng iti uneg ti pagpapaayanda a pagtaegan.
Inpalgakna a nagpaot ti nasurok-kumurang lima a minuto ti panagdayyeg ti ginggined iti lugarda no sadino adda pay dagiti aftershocks a nariknada.
Innayonna a daytoy met ti ibilangna a kapigsaan a ginggined a nariknana sipod nangrugi daytoy a nagserbi kas Overseas Filipino Worker idiay Taiwan.
