LAOAG CITY – Inadmitir ni Mr. Eric Ong, maysa a breeder dagiti para pallot a manok nga adda dagiti gumatgatang kenkuana a napukawen gapu ti pandemiya.
Inlawlawag na a saan a makaumay ditoy probinsya dagiti dadduma ngem no bilang makaala da iti permit manipud iti Bureau of Animal Industry ket ipatulod da dagiti manok kadagiti gumatang.
Segun kenni Mr. Ong, agarup 80 a porsiento ti napukaw dagiti malakwan na sipud nangrugi ti pandemiya.
Makalako laeng babaen iti pannakaipakita ti ladawan dagiti manok iti instagram kadagiti sumagmamano a gumatang.
Inbatad na a kaykayat dagiti buyers na a personal a kitaen dagiti lako da a para pallot a manok ngem gapu ti kinarigat ti transportasyon ket saan a makabiyahe dagiti gumatang nga aggapu iti nagduduma a probinsya ditoy pagilian.
Malaksid iti daytoy, karaman pay a naapektaran ti negosyo na ket iti pannakaisardeng pay laeng ti operasyon dagiti galyera.
Mangnamnama ni Mr. Ong a makaabrot met laeng ti negosyo na no bilang addan ton ti bakuna ditoy probinsya.
Nagpalagip pay iti publiko a liklikan iti agisayangkat ti panagtupada gapu da iligal daytoy.
