LAOAG CITY – Kinumpirmaran ti P/Lt. Col. Amador Quiocho iti Chief of Police ti PNP Laoag nga umabot iti 80 ribo a pisos iti balor dagiti inlako a landok ti City Engineering Office.
Daytoy ket kalpasan a naipadanon kadakuada iti panangilako ti nasao nga opisina kadagiti landok ken partes ti lugan iti maysa a junkshop ditoy ciudad.
Nupay kasta, manarimaan iti pannakikoordinaar ti PNP Laoag iti City Engineering Office agsipod ta awan pay iti naala da a statement manipod iti nasao nga opisina seknan iti daytoy a banag.
Innayon ni Quiocho a posible a maipila ti kaso a malversation of public property no mapaneknekan a pudno iti napasamak.
Mainaig iti dayta, kinumpirmaran ni Melody Dancel, agtagikua ti nadakamat a junkshop a ni Glenda Pascua a residente iti Brgy. Bengcag iti napan naglako kadagitoy a landok.
Inbatad ni Pascua nga addan iti pakpakauna a panagsasarita da iti lokal a gobyerno.
Iti agdama, agtultuloy iti pannakaimbestigar iti nasao a banag.
