LAOAG CITY – Nairekord ti 83 a baro a kaso ti COVID-19 idinto a maysa ti pimmusay ditoy probinsya.
Basar iti gobyerno probinsyal, pimmusay ni IN-C4150, baket, agtawen ti 97 ken residente iti Brgy. 16 San Marcos, iti ili ti San Nicolas.
Manipud kadagiti baro a kaso, 42 ti kaso ditoy siudad ti Laoag, 22 iti ili ti Bangui, uppat iti ili ti Bacarra, sagtatallo iti siudad ti Batac, Vintar ken Pasuquin, sagdudua iti Badoc ken San Nicolas, ken saggaysa iti Marcos ken Sarrat.
Gapu iti daytoy, umaboten ti 881 ti aktibo a kaso, ken 80 dagiti pimmusay.
Nagimbag ti 35 pasyente, rason nga agdagupen ti 3417 ti recoveries.
Agdagupen ti 4378 ti total cases ti COVID-19 ditoy probinsya.
