LAOAG CITY – Agtultuloy ti pannaka-imbestigar ti mapukpukaw nga 85 milyon a pisos a pondo ditoy ciudad ti Laoag.
Maitudtudo ti dati a city treasurer ditoy ciudad a ni Elena Asuncion a nangitaray ti nasao a kantidad.
Ti nasao nga isyu ket nagbalin a nabara pagdidinnamagan ditoy ciudad, addan tallo a tawen ti napalabas.
Kalpasan a naibutaktak ti isyu ket kellaat lattan a nagpukaw ni Asuncion nga agpapan ita ket saan pay nga ammo no ayan na iti agdama.
Naipila met ti reklamo kontra ken ni Asuncion idi Pebrero 23, 2017.
Agbibinnulig dagiti nagduduma nga ahensya ti gobierno kas ti National Bureau of Investigation (NBI), Commission on Audit (COA), ken dadduma pay para ti pannakasolbar daytoy a kaso.
