LAOAG CITY – Umabot iti 88 a residente iti Barangay Santiago iti ili ti Solsona ti dimmalan iti swab test gapo ta maibilang dagitoy a third generation contact ti nagpositibo iti UK variant ti covid-19.
Daytoy ti kinumpirmaran ni Barangay Chairman Renato Garcia iti nadakamat a barangay.
Segun kenni Garcia, karaman pay isuna kadagiti dumalan iti RT PCR test kasta pay ti maysa a kagawad ken ti sekretarya ti barangay.
Inlawlawag na a dumalan iti swab test gapo ta maibilang da a third generation contact kalpasan a ti maysa nga ROF iti barangay da ket nakaluganan ti nagpositibo iti UK variant a taga ili ti Pasuquin.
Kalpasan a naamoan da daytoy, na-isolate dagiti kabbalay ti ROF ken dagus da a dimmalan iti swab test ngem awan pay ti impormasyon na iti resulta dagitoy.
Kunana pay a maysa kadagiti kabbalay ti ROF ket nagatendar iti maysa a birthday party kasta pay ti maysa kadagiti BHW rason nga ado da a na-expose.
