LAOAG CITY – Umabot iti 89 a tattao ti natay idinto a dinosdosena a sabsabali dagiti mapagam-amkan a nagaburan kalpasan ti napasamak a landslides gapu iti panagtudtudo na ti napigsa iti estado ti Kerala idiay Southern India.
Iti agdama ket manarimaan ti rescue operations ngem marigatan dagiti rescuers gapu iti napigsa a tudo a nangitunda pay ti pannakarpuug ti rangtay iti lugar.
Ti napasamak a landslides ti maibilang kas kagrabean a napasamak iti estado ti Kerala sipud idi 2018 nga isu ti pannakapasamak ti nalawa a layos a nakatayan ti nasurok nga 400 a tattao.
Inpakaammo dagiti opisyal nga adda ti nasurok a 200 nga army personnel a nakadeploy tapno asistiran da ti security forces iti maiyus-uswat a search ken rescue efforts.
Adda met ti 129 a tattao a nasugatan a manarimaan a maag-agasan iti nagduduma nga ospital iti nadakamat a lugar ken agarop 250 a sabsabali dagiti naisalakan dagiti otoridad.
