LAOAG CITY – Inpakaammo ti Provincial Health Office nga addan ti siam a pakabuklan a firecracker related injuries ditoy probinsia iti oras ti ala-syete ti rabii iti Enero 1, 2025.
Basar iti datos, maysa ti indibidual a naputukan ti paputok manipud iti Banna, Piddig, Pinili ken dua nga indibidual manipud iti Dingras, Bacarra ken San Nicolas.
Mainaig iti daytoy, agtawen ti walo a lalaki ti kauubingan a naputokan ti Luces, manipud iti ili ti Bacarra idinto nga agtawen ti 42 a babai ti kataengan a naputokan ti paputok a roman candle fountain, maniupd iti ili ti Dingras.
Kabayatanna, sumagmamano kadagitoy ket nagtalinaed pay laeng iti balay pagaasan para iti naan-anay a pannakataming da.
