LAOAG CITY – Umabot iti siyam a tattao ti natay idinto a naruay a sabsabali dagiti nasugatan iti napasamak nga stampede iti live concert idiay Democratic Republic of Congo.
Nagperform ni Gospel singer ken pastor Mike Kalambay iti 80,000-seater Martyrs Stadium iti ciudad ti Kinshasa ngem basar kadagiti video ken ladawan ket sobra unay ti kinaado dagiti napan nagbuya.
Kinumpirmaran ti Health Minister a karaman kadagiti natay ket ti agtawen ti 10 nga ubing.
Iti inparuk-at nga statement ti ni Kinshasa Governor Daniel Bumba, awan sabali a binabalaw na no saan a ti sobra unay a kinaado ti tao a napan nagbuya a nangitunda ti napasamak nga stampede.
Inbilin a dagus ti Justice Minister iti Congo ti pannakaiyuswat ti naun-uneg nga imbestigasyon sekna iti napasamak, kagiddan ti panangkwestyunar na no ania ti ar-aramiden dagiti pulis a naka-assign iti lugar idi napasamak ti insidente.
Mainaig iti daytoy, nagpadespensar ti Maajabu Gospel gapu ta adda ti pimmusay bayat ti konsierto.
Inpetteng met dagiti organizers nga agarop 30 ribo laeng a tattao ti napan nagbuya iti konsierto, nababbaba ti nasao a bilang ngem ti maximum capacity ti venue.
