LAOAG CITY – Adda ti siyam a tattao ti natay kalpasan nga inatake dagiti militante ti bus a nagluganan dagiti Hindu Pilgrims iti paset ti Jammu ken Kashmir idiay India.
Malaksid kadagiti natay ket adda pay ti 33 a sabsabali a nasugatan iti insidente.
Basar iti report, gapu iti panangatake dagiti militante iti bus ket napukawan iti kontrol ti manibela ti driver a nangitunda ti pannaka-disgrasya na.
Mainaig iti daytoy, kiniddaw ni Indian Prime Minister Narendra Modi ti “best medical care” para kadagiti nasugatan nga indibidual.
Inkari met ni Manoj Sinha, ti region’s top administrator a mapatawan ti pannusa dagiti adda iti likudan ti panagatake.
Inrakurak pay ni Sinha a maipaayan ti kompensasyon 1-million rupees wenno kaibatugan ti $12000 iti pamilya dagiti pimmusay.
Naamoan a ti nasao a bus ket agturong iti base camp ti famous Hindu shrine of Mata Vaishno Devi idi napasamak ti insidente.
