LAOAG CITY – Inarestar dagiti pulis idiay Italya ti siyam nga indibidual a maipagarop nga aguk-ukkon ti pondo para iti Hamas, iti uneg ti nasurok a dua a tawen.
Basar iti report, agpampammarang ti grupo a ti kolkolektaren da ket kas humanitarian aid para kadagiti sibilyan a palestino, ngem ipawpawit da iti militant group babaen ti “complex fundraising system”.
Iti pannakaarestar dagiti siyam nga indibidual ket nakakumpiskar pay dagiti otoridad ti nasurok nga 8-million euro.
Ti pannakaarestar dagiti suspek ket paset ti nagtipon a pwersa ti counter-terror police ken financial police ti Italya.
Narugyan ti imbestigasyon kalpasan ti iraraot ti Hamas iti Southern Israel idi Oktubre 7, 2023.
