LAOAG CITY – Siam a tattao ti natay kalpasan a nangiwayat ti Russia iti missile strike idiay Ukraine.
Segun iti opisina ti prosecutor general ti Ukraine, karaman kadagiti lima nga ubbing a nasugatan idi bimtak ti missile ti pasdek idiay Kryvyi Rih City iti Ukraine.
Mainaig iti daytoy, agsapsapul pay laeng dagiti otoridad iti nasao a lugar para kadagiti posible a biktima pay ti nasao nga insidente.
Nupay kasta, nangipadanon ni Ukraine President Volodymyr Zelensky ti pakinakemna kadagiti kabagian ti biktima.
Kabayatanna, ti nadakamat a lugar ti ayan ti pagtaengan ti presidente ti Ukraine.
