LAOAG CITY – Umabot iti 90 a pamilya a bukbuklen ti 298 nga indibidwal ti naibakwiten ditoy siudad ti Laoag tapnu maliklikan ti agbalin nga epekto ti Bagyo Kristine.
Daytoy ti inpakaammo ni Dr. Melvin Manuel, mangidadaulo ti City Disaster Risk Reduction and Management Office ditoy siudad.
Kinunana nga awan ti aniaman pay a nairekord a casualties idinto a nangiwayatda ti pre-emptive evacuation kas panagsagana iti mabalin nga itunda ti nadakamat a bagyo.
Innayonna a dagiti kangrunaan a naibakwit a residente ditoy siudad ket dagiti kanayon a malaylayos a babbalay kas iti Brgy. Gabu Norte.
Nupay kasta, naiget ti panagmonitor ti opisina ti City Disaster Risk Reduction Management Office iti nadakamat a lugar tapnu maipasiguradio ti kinatalged dagiti residente.
Kabayatanna, kinuna ni Dr. Manuel a gutgutigotenda dagiti residente nga insigida nga agbakwit wenno umakar kadagiti nangangato a lugar ken makikoordinar kadagiti lokal a gobierno.
