LAOAG CITY – Inbaga ni Mayor Alfredo Valdez iti ili ti San Nicolas nga awan ti kinapudno na ti report nga adda ti 200 nga empleado iti maysa a call center company partikular iti Alorica a nagpositibo ti covid-19.
Segun ti mayor, 90 laeng dagiti active cases iti nasao a pasdek negosyo karaman dagiti naakaran dagiti pasyente.
Innayon na nga amin a nagpositibo ti virus iti nasao a pasdek negosyo ket naka-isolate da.
Inpasingked na a nakasagana da a mangipaay ti kasapulan dagiti empleado a naapektaran basta ipakaammo da kadagiti opisyal ti Barangay 1 nga agbanbantay iti lugar.
