LAOAG CITY – Manarimaan iti pannakaiplastar ti 911 satellite command center ti Bureau of Fire Protection iti ciudad ti Batac.
Daytoy ti inpakaamo ni Fire Senior Inspector Heinrich F. Gudoy, ti Acting City Fire Marshal iti ciudad ti Batac.
Segun kenkuana, iti kallabes ket adda iti pannakaiwayat iti “go live” nga inatendaran ti regional director ken dagiti pannakabagi iti PLDT ken Department of the Interior and Local Government – Ilocos Norte.
Inbatad na nga isuda iti nangidaulo iti panagsanay no kasano nga iwanwan ti 911 babaen iti panagdial, panangreceive ken panag-end dial.
Kunana a no operational ton ti 911 ket sakupen na amin iti intero Rehiyon Uno.
Mangnamnam a maiplastar a mabiit daytoy tapno alalisto da maawat dagiti tawag dagiti umili nga agpatulong kangrunana no adda dagiti uram ken ania man nga emergency ,
Kabayatanna kuna ni Gudoy a kaduan kadagiti nairekord a nga uram ket grass fire iti kallabes ket manipod iti dumaya a paset iti probinsia.
