LAOAG CITY – Nasurok-kumurang a 97.2% kadagiti Pilipino nga agtawen ti 19 agingga 59 ken 95.5% nga agtawen ti 60 agpangato ket kurang iti calcium maibasar iti Food and Nutrition Research Institute 2021 Expanded National Nutrition Survey ti Department of Science and Technology.
Pagam-amkan dagiti eksperto ti Department of Science and Technology ti pangta ti osteoporosis kadagiti kaadduan a Pilipino gapu iti kinakurang ti calcium.
Segun ken ni Department of Science and Technology Food and Nutrition Research Institute Senior Science Research Specialist Josie Gonzales, ti kinakurang iti calcium ket mangitunda ti panagkapsot dagiti tulang.
Inbatadna nga adu nga alternatibo ti available ken pangalaan ti calcium saan laeng nga iti gatas no di ket pakairamanan pay iti marunggay, balangeg, camote tops, ken dadduma pay a leafy greens kasta pay dagiti babassit nga ikan kas ti dilis ken sardinas a sakupen dagiti lactose intolerance.
Malaksid iti panagkonsumo dagiti makan a baknang iti calcium ken liklikan ti panagsigarilyo.
Basar pay iti WebMD, dagiti tattao nga addaan ti osteoporosis ket nasken a saan nga uminom ti nasurok 3 a baso ti kape iti kada aldaw.
