LAOAG CITY – Umabot iti 987 nga indibidual ti nabenepisyaran iti programa ti gobierno probinsyal a “Mataginayon a Tulong Pasada”.
Segun iti gobierno probinsial, tunggal benepisyaryo ket nakaawat ti sag-tallo ribo a pisos.
Ti “Mataginayon a Tulong Pasada” ket karaman kadagiti agtultuloy a programa ti gobierno probinsial kas tulong kadagiti agpaspasada gapu iti panagngato ti presyo dagiti produkto a petrolyo.
Malaksid iti pinansial a tulong, naipaayan pay dagiti maseknan ti tent, bagas, T-shirt ken reflectorize vest.
