LAOAG CITY – Isagsaganan ni PNP- Bangui ti kaso a panagsalungasing iti RA 10591 weno Comprehensive Law on Firearms and Ammunition Act kontra iti agnagan iti Leo Flores y Bannar, agtawen ti 40, baro , ken residente Brgy Malasin, ti nasao nga ili.
Segun ken ni P/C/Inps. Samson Amistad, Chief of Police, daytoy ket kalpasan a nagballaigi ti inwayat da a search warrant operation kontra iti nasao a suspek.
Kuna ni Amistad nga adda ti naawat da a report a makitkita da ni Flores nga adda paltog na ket maatap nga us-usaren na iti panaganop.
Kuna na a kas resulta iti inwayat da nga operasyon, nakaala da iti maysa nga home made shotgun ken 12 a bala ti nasao a kalibre ti paltog.
Inlawlawag pay ni Amistad nga awan ti maipakita a lisensiya ti paltog ni Flores idi pagsaludsudan da daytoy.
Inadmitir na nga awan sabalin a record ti suspek malaksid laeng iti report a kaadda ti paltog na.
