LAOAG CITY – Naipisuken iti Bureau of Jail Management and Penology (BJMP) ditoy ciudad ti Laoag ni Atty. Michael Llaguno babaen ti commitment order nga inyetnag ni Judge Francisco Quilala.
Daytoy ti kinumpirmaran ni Police Chief Master Sergeant Harold Nicolas, team leader ti Provincial Drug Enforcement Unit (PDEU).
Immun-una iti daytoy, ginundawayan ni Llaguno ti preliminary investigation isut gapuna a nagtalinaed iti PNP-Laoag.
Maipalagip a natiliw ni Llaguno iti naiyusuat a drug buy bust operation ti PDEU ken PNP-Laoag gapo iti transaksyon na iti iligal a droga kadagiti sumagmamano a lugar ditoy probinsya kas iti ciudad ti Batac ken Laoag, ili ti Paoay ken dadduma pay nga ili ditoy probinsya.
Naamoan nga adda pay ni Llaguno iti listaan ti Directorate for Intelligence wenno DI watchlist ti PNP.
