LAOAG CITY – Natiliw dagiti 14 nga indibidwal nga agpapaay ken agtaytaya iti pagperyaan iti Barangay 2 iti ili ti Pasuquin.
Daytoy ti kinumpirmaran ni Police Major Rely Layug, mangidadaulo ti Police Community Relations Office ti Ilocos Norte Police Provincial Office (INPPO).
Segun kenni Layug, nakumpiskar da pay dagiti nagduduma a gambling paraphernalia ken umabot ti 25,733 a pisos iti pagay-ayaman ti drop ball iti nasao a pagperyaan.
Inbatad na nga inyuswat da ti operasyon kalpasan a nagposibtibo dagiti impormasyon mainaig iti iligal a panagsusugal iti nasao nga ili.
Inlawlawag na nga uray nakaala ti permit manipud iti municipyo iti nasao nga ili tapno agoperar ti pagperyaan ket saan a daytoy ti rason tapno mangiyuswat ti panagsugal kangrunaan na no adda ti karaman a kwarta.
Mainaig iti daytoy, inpetteng manen ni Layug a nabayagen a maipawpawil nga agpaay-ayam dagiti pagperyaan ti drop ball ken dadduma pay.
Kabayatanna, manamnama a mapilaan dagiti indibidwal a natiliw iti kaso nga Illegal Gambling.
