LAOAG CITY – Inbatad ni Ms. Rizza Villanueva, agtawen ti 22 a residente iti Bauan, Batangas a nakarikna ti panagdayyeg itay alas-4 ti parbangon.
Kunana a malaksid iti panagdayyeg, makapaspasar da ti panagtudo.
Segun kenni Villanueva, nabangsit nga angot ti malanglang-ab da gapu ti panagputok ti Taal volcano.
Inbatad na nga apektado dagiti negosyo dagiti lumugar agraman dagiti mangngalap.
Mainaig iti daytoy , pinakaamoanen ti Provincial Government ti Batangas dagiti residente nga agtalinaed iti pagtaengan da ken agusar da iti face mask.
Innayon na a nakasagana nga agbakwit iti aniaman nga oras ita nga aldaw no imandar ti gobyerno.
