LAOAG CITY – Dinayaw ni Mayor Eduardo “Eddie” Guillen iti ili ti Piddig ti kinapaspas ti PNP iti panangsolbar iti pannakapalto-paltog ni Fredalyn Agustin iti Brgy. Buybuy iti nasao nga ili.
Kuna na a makaammon ti PNP ni Police Capt. Kristoffer King Ramos a Chief of Police a mangkita no siasinno ti panakaiyawatan ti gunguna a 50 a ribo a pisos nga inlatang ti LGU ti nasao nga ili.
Segun kenni Guillen, discretion ti PNP iti pangitedan da ti nasao a kantidad a no sadinno a nakatulong iti alisto a pannakasulbar ti nasao a krimen.
Maipalagip a pimmusay ti biktima kalpasan a pinaltupaltugan dagiti riding in tandem suspetcs bayat nga adda iti kataltalunan iti nasao a barangay usar ti kalibre 45 a paltog basar kadagiti narekubre a kapsula iti nakapasamakan ti krimen ken no sadinno a ti rumrumwar a motibo ket maipagarup a mannamay.
