LAOAG CITY – Inbatad ni Atty. Alipio Castillo III, Provincial Comelec Supervisor a dakkel a tulong ti barangay satellite registration nga iyus-uswat ti Comelec Office iti kada local government unit (LGU).
Kuna na a daytoy a wagas ket makatulong a mangliklik iti panagdupodop dagiti tattao ken ad-adda a maobserbaran ti minimum health protocols.
Innayun na a babaen ti barangay satellitte registration, maikkan ti gundaway dagiti tattao nga alalisto a makarehistro iti baet ti pandemiya.
Mainaig iti daytoy, nagpanawagan ni Castillo nga apaman nga adda pay ti gundaway nga agrehistro ket agturongen kadagiti satellite registration sakbay ti 2022 elections.
