LAOAG CITY – Kinumpirmaran ni Police Major Julius Basallo, ti chief of police ti PNP-Dingras a nabagkong ti lakay a nadiskubre iti Barangay Barong iti nasao nga ili.
Ti biktima ket agtawen ti 65, awanan ti asawa, maysa a mannalon ken residente iti nadakamat a barangay.
Segun kenni Basallo, idi bigat kalman ket nadiskubre ti bangkay iti kataltalonan nga aisdeg iti karayan iti Sitio Franco, Barangay Barong iti nasao nga ili.
Gapo iti daytoy, dimmalan iti post mortem examination ti biktima ken naduktalan a ti sugat iti bagi ken ulo ken na nabagkong usar ti natangked a banag.
Iti met imbestigasyon dagiti otoridad, naudi a nakita ti biktima iti kataltalonan ngem saanen a nagawid iti pamilya na ken idi laeng kalman ket nakitan a nalamiis a bangkay daytoy.
Iti agdama ket agtultuloy ti naun-uneg nga imbestigasyon dagiti otoridad para iti panakabigbigan ti responsable iti pannakatay ti biktima ken no anya ti motibo.
