LAOAG CITY – Inbatad ni Doctor Alan Taylan a ti asthma ket saanen a maagasan ngem masapol nga amwen dagiti possible a maka-trigger iti nasao a sakit.
Kuna na a ti asthma ket kondisyon ti bara no sadinno a bumassit ti pagtarayan ti angin.
Maamoan daytoy a sakit iti panangeksamen ti maysa a doktor iti indibidual no sadinno a mangngeg ti arigna agsagawisiw ti anges, marigatan nga umanges, agsakit ti barukong na ken dadduma pay.
Inpakaammo na nga adda ti maited nga agas iti pasyente ken mabalin pay nga agusar ti nebulizer no sumken ti sakit nga asthma.
Innayon na a karaman kadagiti mabalin a mang-trigger ti sakit nga asthma ket ti sigarilyo, na-expose ti naasok, natapok, aso, pusa ken dadduma pay.
Kuna pay ni Doctor Taylan a mabalin a matrigger pay ti sakit nga asthma no sobra ti kinapudot wenno kinalamiis ti panawen.
