LAOAG CITY – Insigida a nagturong dagiti kameng ti Philippine National Police (PNP) iti Barangay 2 ditoy ciudad ti Laoag tapno agimbestigar kalpasan nga adda ti naawat da a report nga adda dagiti napan nailako iti junk shop iti lugar a sumagmamano a landok a maipagarop a naggapo iti manarimaan a proyekto iti kapitolyo probinsyal.
Nupay kasta, inbatad ni Engr. Luciano Domingo iti Provincial Engineering Office a no saan pay a naikapet dagiti landok ket saan pay a makuna a bagi ti kapitolyo probinsyal.
Gapu iti daytoy, masapol nga a makasarita paylaeng nga umuna ti pannakabagi ti Construction firm nga akin-proyekto iti Big 3 project ti gobierno probinsyal.
Iti agdama ket manarimaan paylaeng ti imbestigasyon dagiti kameng ti pulisya tapno maamoan no adda wenno awan ti pammalubos ti management iti pannakailako dagiti nasao a landok.
Immun-una iti daytoy, inbatad ti napan naglako a maysa a welder a naibaon laeng.
Naamoan a nailako dagiti nasao a landok nga agdagsen ti 2500 a kilo iti nasurok a 30 ribo a pisos.
