LAOAG CITY – Inpakammo ni Engr. Manuel Aurelio iti City Engineering Office ditoy ciudad ti Laoag a full operational itan ti Sanitary landfill iti Barangay Balatong ditoy ciudad.
Segun kenni Aurelio, nailippasen ti nasaan a pasilidad, nangruna ket partial operational daytoy idi bulan ti Abril.
Inbatad na nga iti naiyuswat a final inspection ket nakumpleton ti site development kageddan ti panagyaman na a nalpasen daytoy.
Ummunan nga inbatad ni Aurelio nga iti napalpalabas a bulan, no nagtudo ti napigsa ket uppat nga aldaw a saan da a makaubra iti nasao a lugar gapo ta nalutlot.
Inpetteng na a ti maibelleng iti nasao a sanitary landfill ket dagiti residual wenno dagiti saan a marunot ken nasken a sumurot dagiti barangay.
Mainaig iti daytoy, kunana nga adda pay dagiti sumagmamano a babassit a tarimaan ti contractor sakbay a maipaiman iti lokal a gobierno.
Kunana a no ngumato agingga iti maysa agingga iti 1.5 meter daytoy ket maiyuswat ti soil topping wenno magaburan tapno saan a maiyangin dagiti supot ken dadduma pay ken saan unay a naangot.
Kabayatanna, naamoan a ti phase 1 ti sanitary landfill ket umabot iti nasurok 44 milyon ti nagastos.
