LAOAG CITY – Ibilang ni Mr. Melver Ritz Gomez, maysa nga Ilokano Filmmaker a napintas ti nailungalong a panangipaay ti insentibo kadagiti filmmakers.
Segun kenni Gomez, dakkel a tulong daytoy kadagiti filmmakers iti panangdevelop da ken iti marketing dagiti pelikula da tapno saan laeng a ditoy Pilipinas ti pakabuyaan daytoy.
Kunana a babaen iti daytoy ket matulungan da a makastrek kadagiti international film festival nangruna ket ado dagiti kasapulan.
Kageddan iti daytoy, inbatad na a masapol a kitaen no kasano ti sakop ti nailungalong a pannakaipaay ti insentibo kas kuma no dagiti laeng independent filmmakers laeng wenno karaman pay dagiti commercial filmmakers.
Daytoy ket gapo ta nakad-ado a filmmakers ditoy Pilipinas, ken mailawlawag no kasano ti panang-screen da dagitoy tapno maipaayan ti tulong.
Ummuna iti daytoy, inlungalong ni Deputy Speaker ken Las Piñas Rep. Camille Villar a maikkan ti insentibo dagiti filmamakers ditoy pagilyan babaen iti House Resolution 451.
