LAOAG CITY – Napadayawan ni Mayor Michael Marcos-Keon ditoy ciudad ti Laoag kas maikadwa a “best performing mayor” iti intero nga Ilocos Region.
Daytoy ket basar iti maysa a survey nga inyuswat ti RP-Mission and Development Foundation Inc. wenno RPMD.
Nakagun-od ni Mayor Keon ti 90% overall job performance rating, sarunwen na ni Mayor Eric Dario Singson iti Candon CIty, Ilocos Sur.
Maikatlo met iti survey ni Mayor Ayoy Resuello iti San Carlos City, Pangasinan nga addaan ti 86% rating, idinto nga 85% rating ken Mayor Rammy Parayno III iti Urdaneta City, Pangasinan ken ti maikalima ket ni Mayor Albert Chua iti ciudad ti Batac nga addaan ti 83% rating.
Naamoan a ti kada Mayor iti ciudad ket na-assess babaen kadagiti constituents da ken nairanggoda maibatay kadagiti naawatda a rating.
Gapo iti daytoy, nagyaman ni Mayor Keon ngem inbatad na a saan na a magun-od daytoy no awan ti tulong kenkua dagiti dadduma nga opisyal ditoy ciudad.
