LAOAG CITY – Nakanselar dagiti flights ti Philippine Airlines iti Laoag International Airport mangrugi intono rabii gapo pay laeng iti Bagyo Betty.
Segun iti maysa nga empleado ti Airlines, adda dagiti dua a flights nga agturong iti Manila ti makanselar intono rabii ken maysa a flight iti ala-una ti parbangon iti Mayo 30 ket makanselar pay ti flight nga agturong met iti Honolulu, Hawaii.
Inpakaammo na a saan na met masinunuo nu addan to pay ti sumaruno a makaselar a flight gapo ta awan pay ti naan-anay nga impormasyon kadakuada maipanggep iti daytoy a banag.
Kunana nga iti agdama, awan met pay dagiti byahero a saanen a mangituloy ti panagbyahe da gapo iti daytoy ngem adda da dagiti agturturong iti opisina dan tapno agpa-rebook iti flight da.
Inbatad na nga iti agdama, ti ar-aramiden da ket otomatiko nga irebook iti sabali a schedule dagiti naapektaran gapo iti panakakanselar dagiti flights.
