LAOAG CITY – Nagballaag ni Presidente Ferdinand Bongbong Marcos Jr., kadagiti smugglers ken hoarders a mabilbilangen dagiti aldaw dagitoy.
Iti panagbitla ti Presidente iti maikadua nga State of the Nation Address-na, inpasiguradona a mapagsungbat dagiti karaman iti smuggling dagiti agricultural products ken hoarding.
Inbatadna a maysa kadagiti makaigapu iti panagngato ti presyo ket dagiti smuggler, hoarder ken dagiti mangmanmanipula iti presyo dagiti produkto agrikultura.
Kunana a kamatenna ken pilaan ti kaso dagiti mapaneknekan nga adda iti likudan daytoy nga insidente.
Kabayatanna, inpaganetget ni Presidente Marcos a dagiti ar-aramiden dagiti smuggler ken hoarder ket maisagsagmak iti risgo dagiti mannalon pakairamanan dagiti gumatgatang.
