LAOAG CITY – Maluksaw ni Mr. Sherwin Agustin iti Barangay Maruaya iti ili ti Piddig iti pannakangurungor ti taraken na a baka iti igid ti karayan.
Segun kenni Agustin, inwarwar na ti bumalasang a baka na iti kataltalonan ngem idi sinublayan na kuman daytoy ket saan na metten a mabirukan.
Inbatad na a gapo iti daytoy ket binirok na agingga nga adda ti nangibaga kenkuana nga adda ti baka a natay iti igid ti karayan.
Dagus a nagturong ni Agustin iti karayan ket nakumpirmaran na a ti birbiruken na a baka ket isu ti naparti nga adda iti igid.
Mainaig iti daytoy, inbatad na nga adda dagiti mangipakpakaamo kenkuana nga adda ti ammo da no siasinno ti akin-aramid iti daytoy ngem saan na pay a makumpirmaran.
Kabayatanna, iti biang met ti Philippine National Police iti ili ti Piddig, manarimaan pay laeng ti naun-uneg nga imbestigasyon da seknan iti daytoy a banag.
