LAOAG CITY – Natay ti maysa a lalaki kalpasan ti panangpaltog na iti ulo na iti ciudad ti Batac.
Segun iti Philippine National Police iti nasao a ciudad, nakaawat ti tawag ti pulisya manipud iti Mariano Marcos Memorial Hospital and Medical Center (MMMH&MC) a nangipakammo nga adda ti pasyente da a napaltogan.
Gapo iti daytoy ket dagus a nagturong dagiti otoridad iti nadakamat nga ospital.
Iti inisyal nga imbestigasyon dagiti otoridad, adda ti nakakita iti biktima iti panagpaltog na iti ulo na iti pagtaengan da.
Mainaig iti daytoy, dagus a napan dagiti kameng ti pulisya ti ciudad Batac iti balay ti biktima ken ditoy a nakita da ti maysa a calibre 40mm STI EDGE 2011 nga adaan ti 10 a balam ken maysa a fired cartridge ti calibre 40mm.
Kabayatanna, naamoan a ti biktima ket agsagsagaba iti Serious Abdominal Disease ken naituding a dumalan iti operasyon inton umay a lawas.
