LAOAG CITY – Umabot iti sangapulo ribo a tattao ti nangiyuswat ti tignay protesta iti Canary Islands idiay Spain kontra iti modelo ti mass tourism nga ibilang da a makadadael iti Atlantic archipelago.
Kalikagom dagiti protesters a malimitaran ti bilang dagiti turista a mapan bumisita iti lugar gapu ta mabalin nga adda ti negatibo nga epekto na kadagiti residente ken ti aglawlaw.
Inlawlawag dagiti protesters a saan da a kumontra iti tourism industry gapu ta 35% ti maitultulong na iti ekonomiya ti Canary ngem masapol koma nga ammo a salwadan ti lugar.
Maipalagip nga idi 2023 ket immabot iti 13.9 million a turista ti napan bimmisita iti pito a main Islands, mamin-innem a daras nga ad-ado ngem ti populasyon iti isla nga umabot laeng ti 2.2 milyon.
