LAOAG CITY – Naiget ti pammilin ni Mayor Richard Degala iti ili ti Vintar kadagiti umili a masapol ti panagdaldalus kadagiti drainage canal ken irrigation canal.
Segun kenkuana, babaen iti daytoy ket maliklikan ti pannakalayus dagiti residente nangruna kadagiti agnanaed iti nababa a lugar.
Inbatadna nga adda pay laeng dagiti sumagmamano a drainage canal a saan a nasayaat ti panagayus ti danum isu a masapol laeng a madalusan dagitoy iti kabiitan a panawen.
Kunana a gagem ti lokal a gobierno iti ili ti Vintar nga awan ti malayus a kailianna banag a kasapulanda ti naiget a panagdaldalus nangruna ita a panawen ti panagtutudo.
Innayonna a nakasagana ti lokal a gobierno a tumulong kadagiti maseknan a masansan a makapaspasar ti layus.
