LAOAG CITY – Natay ti agarup 20 a suldado idiay Nigeria kalpasan ti panangtambang dagiti rebelde a grupo ti ISIL affiliate iti Islamic State’s West Africa Province (ISWAP).
Pinuntiria dagiti rebelde a grupo ti army base iti Malam-Fatori iti eastern Borno.
Dimmanon ti rinnupakda iti nasurok a tallo nga oras.
Ti Boko Haram ken Islamic State’s West Africa Province fighters ti kangrunaan a mangiwaywayat a grupo iti Borno.
Karaman kadagiti pimmusay ti commanding officer kalpasan ti nasao a panangtambang dagiti Islamic State’s West Africa Province iti 149th Batallion.
Alisto a naglibas dagiti rebelde a grupo kalpasan ti nadara a rinnupak.
