LAOAG CITY – Umabot iti 17 nga ubbing ti natay kalpasan a nauram ti Islamic school iti northern Nigeria.
Malaksid kadagiti natay ket sumagmamano pay nga ubbing ti nasugatan ken manarimaan da paylaeng a maag-agasan iti ospital iti Kauran Namoda, Zamfara state.
Rumrumuar a nangrugi ti apoy iti maysa a balay ken nagramram daytoy agingga iti pagadalan no sadinno nga iti dayta a gundaway ket naimas ti turog dagiti ubbing.
Iti agdama, agtultuloy ti naiget nga imbestigasyon dagiti otoridad seknan iti nasao nga insidente.
Mainaig iti daytoy, inpakaammo ni Police spokesman Yazid Abubakar a dagiti pimmusay nga ubbing ket naitabon da a dagus.
