LAOAG CITY – Maysa a negosyante ti napan nangideposito ti paltog na a 9mm pistol iti Philippine National Police iti ciudad ti Batac.
Daytoy ti inbatad ni Police Lt. Col. Adrian Gayuchan, ti chief of police iti ciudad ti Batac.
Segun ken ni Gayuchan, ti paltog ti nasao a negosyante ket expired ti License to Own and Possess Firearms (LTOPF) and Firearm Registration (FR).
Mainaig iti daytoy, nagpanawagan manen ni Gayuchan kadagiti dadduma a gun holders iti ciudad ti Batac a nasaysayaat no mapan da metten ipadeposito paylaeng dagiti ik-ikotan da a paltog.
Immunan nga inrakurak ti Ilocos Norte Police Provincial Office nga umaboten iti 19 a registered firearms ti naisuko iti nagduduma a police stations iti intero a probinsya.
