LAOAG CITY – Nagpalagip ti Civil Service Commission kadagiti examinees a sapaen nga agturong kadagiti testing venue intono bigat, Marso 2.
Kuna ni Acting field director Marina Garcia, napinpintas nu sapaen iti mapan tapno masarakan ti designated room para iti eksaminasyon.
Nakasaganan ti Ilocos Norte National High School ken iti Ilocos Norte College of Arts and Trades nga isu ti pakaiyuswatan ti eksaminasyon.
Innayon na a saan a liplipatan dagiti gamit nga usaren iti panageksamen kas iti exam permit, ballpen, lapis, ken valid Identification Card.
Mainaig iti daytoy, naiget a maiparit ti panagusar ti electronic devices kas iti selpon, smart watch, calculator, wenno dadduma pay nga exam aid.
Maipalagip nga adda iti 2,200 examinees iti probinsia para iti Civil Service Examination ita a bolan.
