LAOAG CITY – Inruaren ti Pinoy P-pop group nga SB19 ti baro a kantada a “DAM.”
Ti nasao a kanta ket paset ti standard version ken extended version para iti padpadaanan nga extended play (EP) ti grupo a “Simula At Wakas” a mairuar inton Abril 25.
Basar iti grupo a ti music video ket maiyarngi ti ay-ayamenda a video games.
Kuna ti liderda a ni Pablo a magagaran nga ipangngeg kadagiti fans no ania ti agbalin a reaksionda iti nasao a baro a music video.
Immuna iti daytoy, agsagsaganan ti grupo para iti “Simula At Wakas” world Tour a mangrugi iti Philippine Arena inton Mayo 31.
