LAOAG CITY – Nagtalinaed nga stable ti kasasaad ita ni Pope Francis ken saan a makarikrikna ti narigat a panaganges basar iti report ti Vatican.
Daytoy ti kasasaad ti Santo Papa a sumurok dua a lawasen nga adda iti ospital ken makilablaban iti double pneumonia.
Inbatad ti Vatican nga awan ti gurigor ni Pope Francis ken awan ti nagpakita a pakalasinan iti panagngato ti bilang ti white blood cell no sadinno ti taray ti darana ken sirkulasion daytoy ket nagtalinaed nga stable.
Naammoan a saan met a marigatan ti pannangan ti Santo Papa iti baet ti agdama a situasionna.
