LAOAG CITY – Inpasa ti Sangguniang Panlungsod ditoy ciudad ti Laoag ti maysa a resolusyon a mangipalubos ti pannakaisayangkat ti experimental traffic scheme iti paset ti Nolasco St. ditoy ciudad.
Daytoy ti intadag ti chairman ti Committee on Laws kabayatan ti regular session.
Kunana nga iti kallabes ket naimatangan na ti kinairot ti trapiko iti nasao a paset ti sentro ti ciudad.
Inpakaammo na a nakisarita iti Philippine National Police – Traffic Division ket inbatad na nga inikkat dan ti dati a two way iti daytoy ken pinagbalin da laengen nga one way.
Innayon na nga immanamong Philippine National Police – Traffic Division a mapagbalin a two way daytoy tapno naan-anayas ti panagtaray ti trapiko gapo ta iti agdama ket agpa-north bound laeng ti mapalubosan a taray ti behikulo kadaytoy a lugar idinto a nakasango ti south bound dagiti tricycle a nakaterminal iti lugar.
Kabayatanna, inpakaammo ti chairman ti nasao a komite a kalpasan a naipasa ti resolusyon ket adda ti maiwayat a 90-day experimental period iti Nolasco St. wenno manipod Rizal St. agingga ti General Antonio Luna St.
