LAOAG CITY – Naiaplikar ti organic ken foliar fertilizer kadagiti clustered dragon fruit farm iti ili ti San Nicolas babaen ti tulong ti gobierno probinsial.
Gagem a matulungan dagiti agmulmula ken pagsublien ti napintas nga industria ti dragon fruit kalpasan a daytoy ket kellaat a bimmaba ti produksionna gapu iti infestation.
Gapu iti mapaspasamak, ibilangda a priority commodity ti nasao a mula nangruna ket agingga ita ket adu pay laeng dagiti maap-apektaran.
Maipalagip nga immunan nga inpakaammo ni Mr. Junito Baldovi, Provincial High Value Coordinator nga adda ti sakit ti nasao a mula nga agingga ita ket saanda pay a nasolbar no sadinno nga agrunot ti puon ti dragon fruit ken babassit ti bungana.
