LAOAG CITY – Inawagan ni Vice President Sara Duterte nga ‘state kidnapping’ iti Panangibiahe ken ni dati a Presidente Rodrigo Duterte a nagturong idiay The Hague.
Maipalagip nga inarestar ti dati a Presidente idi kalman, aldaw ti Martes iti bileg ti warrant nga inyisyu ti International Criminal Court a saan a nagbayag ket naiyakar manipud iti Ninoy Aquino International Airport a nagturong iti Villamor Air Base idiay Pasay City.
Kalpasan iti daytoy, inlugan isuna iti eroplano a mangitulod kenkuana idiay The Hague no sadinno nga ti International Criminal Court.
Idi kalman, insigida a nangipila ti petision ti kampo ni Duterte nga agkidkiddaw iti Korte Suprema nga ibilin iti gobierno a waya-wayaan daytoy.
Daytoy ket kalpasan a saan a napalubosan ni Vice President Sara a makastrek iti Villamor no awan ti temporary restraining order.
Innayonna nga awan ti legal a nangibasaran tapno i-endorso wenno i-turn-over ti amana iti International Criminal Court (ICC).
