LAOAG CITY – Nakadanunen ti chartered flight a nagluganan ni dati a Presidente Rodrigo Duterte iti The Hague Airport iti The Netherlands.
Nagdisso ti flight RP-C5219 iti nasao nga erupuerto iti oras ti alas-11:54 ti rabii ti Miyerkules oras iti Pilipinas.
Namnamaen a dagus a maikabil ti dati a presidente iti International Criminal Court.
Maipalagip nga inarestar ti International Criminal Court ti dati a presidente gapu iti crimes against humanity mainaig iti inpatungpal na nga anti-drug campaign bayat iti panagturay na.
Iti statement, inbatad ti International Criminal Court (ICC) a simmuko ni Duterte iti kustodyar ti court kalpasan a naiyisoan ti warrant para iti pannakaarestar na gapu iti inpatungpal na a nadara a giyera kontra iti illegal a droga.
