LAOAG CITY – Pinilaan ti Quezon City Police District ti kaso nga inciting to sedition ni Patrolman Francis Steve Fontillas gapu iti panaglabsingna ti Article 142 iti Revised Penal Code nga adda pakainaiganna iti Republic Act No. 10175 wenno Cybercrime Prevention Act.
Daytoy ket kalpasan a nakita dagiti post ni Fontillas a maysa met a vlogger a saanna nga anamungan ti pannakaarestar ni dati a Presidente Rodrigo Duterte iti International Criminal Court wenno ICC.
Naammoan a ni Fontillas ket supporter ni Duterte.
Basar iti Quezon City Police District a dagiti Philippine National Police officers ket masapul nga agtalinaed nga apolitical ken non-partisan iti aniaman a gundaway ken masapul a liklikan ti ag-post iti unauthorized ken biased contents iti social media ken dadduma pay a platforms.
Immuna iti daytoy, nakasoan ti pulis ken naammoan a nag-Absent Without Official Leave wenno AWOL manipud pay idi Marso 6.
