LAOAG CITY – Nangipaay ti mensahe ni P/Col. Frederick Obar, Provincial Director ti Ilocos Norte Police Provincial Office kadagiti botante para iti mapaspasangasangan a 2025 National and Local Elections.
Inbatadna a masapul a pilien dagiti maikari iti posision a kandidato ita nga eleksion.
Inlawlawagna a saan a sayangen ti karbengan nga agbutos tapno adda ti panag dur-as iti maysa nga ili wenno siudad ditoy probinsia.
Kunana a saan a sayangen ti gundaway nga agbutos ken no saan a kayat nga agbutos ti maysa nga indibidual ket awan ti karbenganna nga agreklamo.
Innayonna a masapul a maikkan ti gundaway dagiti botante a nawaya nga agpili kadagiti nagpaidasig a kandidato.
