LAOAG CITY – Adda ti tallo a flood control projects a manarimaan a maipatpatakder iti ili ti Sarrat.
Segun iti local chief executive iti nasao nga ili, ti maysa a proyekto ket masarakan iti Brgy. 19 no sadinno a ti phase 1 ket umabot iti 3.5 a milyon a pisos ti pondo na ken no maitultuloy ket umabot iti 6-milyon a pisos ti mausar a pondo.
Inbatad na a ti mausar a pondo ket manipod iti calamity fund iti nasao nga ili.
Innayon na pay nga adda ti flood control project iti Brgy. 1 ken Brgy 17 iti ili ti Sarrat.
Inpakaammo na amin dagiti nasao a proyeto ket nadadael gapu kadagiti naglabas a bagyo.
Inpanamnama ti opisyal a sakbay ti eleksiyon ket maileppas aminen dagiti nasao a proyekto.
